說到天氣，我最歡喜兮就是出日。

想說有一工會做倒佇咧一塊田內面，度日頭照照。抑是佇咧寒儂兮時節抱得一隻貓佇田園散步，抾幾蕊花，攑倒來插咧花瓶得，亦照常可愛。

田園是好兮，春天像咧花園，啥物都佇咧開花，白菜仔、油菜、六菜（阮遮兮說法，是菜頭）；熱儂兮時節又閣變做瓜兮天地，白瓜、西瓜、黃瓜；到半寒熱，啥物都熟囉，麥、粙、弓蕉；但是到寒儂——我上歡喜兮季節，又親像荒芜兮所在，啥物都無，可能孤單有幾蕊野花，幾欉野草、幾抱野樹。到年欲兜，隨隨（寢馬）種落去兮菜閣開了花，閣回到了春天兮樣。

歡喜出日是真兮，討厭落雨是假兮——毋閣（m̄-kú，借詞）毋是一般兮雨，是熱儂兮雨。六月天時，實質上無偌濟雲，就落起雨來，我佇廈門，樓頂有這个（淡薄仔）花啊、菜啊，這个時節是上潤囉，日頭光焱焱得，閣有雨水，外面兮景象毋是一般兮好。西北雨過了，空氣內面腌臢物件像咧是度雨水拍落囉，吐氣都是甜兮。日頭原在照，花亦沖了一擺，逐个變得清氣輕鬆，蟬又閣開始叫囉。